مبروك عليك ياحمار

مبروك عليك يا حمار
راجع فى يوم مالجامع
بسبح وانا راجع
فجاه لقيت البلد بتنضف
واكياس الزبالة فى عربية بتتحدف
فرحت ومالفرحة ساعدت الناس
وبقيت واقف معاهم احدف فالاكياس
فجاة
لقيت واحد بيلم الايجار
والراجل بيدفع من غير اجبار
مشيت العربية واخد الراجل الفلوس
والناس خلاص
عالزبالة مش هتدوس
ورجعت انا عالبيت
من كتر الفرحة غنيت
قعدت شويه افكر
واقلب فى التليفزيون وادور
فى حاجه اتغيرت
ولا عقلى انا اللى اتدور
من الفحة للشارع تانى حنيت
خرجت اصلى تانى
وراجع ولا على بالى
لقيت عربية وحمار واقفة جنب نفس الدار
ونفس الراجل واقف
بيدفع الايجار للحمار
اتفاجئت ومابقتش عارف
اطنش ولا اسال واجازف
ما هى حاجة ماتتصدقش
اكيد الحمار ماطلبش
والوصل اللى فى ايد الراجل اكيد مانكتبش
الحكومة كلها اسرار
وعجبى
وعجبى
لما ادفع ايجار لحمار
ويرفسنى كمان عشان ماقولتش
مبروك عليك ياحمار
مبروك عليك ياحمار